SARL-NUUS SONDAG 9 JUNIE 2013
U luister na ZS6SRL, die amptelike radiostasie van die Suid-Afrikaanse Radioliga, die nasionale vereniging vir amateurradio in Suid-Afrika. Die SARL saai elke Sondag om 08:15 SAT 'n nuusbulletin in Afrikaans en om 08:30 SAT in Engels uit. Vir oudio gaan na www.sarl.org.za, klik op 'Amateur Radio Today' en volg die skakels soos aangedui. Vir oudio deur Echolink, koppel met ZS0JPL-R.
Hierdie en vorige bulletins kan van www.sarl.org.za afgelaai word en u kan ook daar inteken om toekomstige bulletins per e-pos te ontvang.
STIL SLEUTEL
Met leedwese kondig ons die afsterwe van Kallie Ellis, ZS6BQ aan. Hy is Vrydag 7 Junie in die hospitaal in Pretoria oorlede na lang stryd teen kanker. Hy laat 3 seuns en 'n dogter agter.
U nuusleser is (naam en roepsein), op 145,725 MHz vanuit Pretoria, met herleidings op 7,066 en 3,695 MHz ESB. (Ander nuuslesers verander soos toepaslik.)
IN DIE NUUS VANDAG:
EERSTE RTA TE PORT ELIZABETH
RADIOAMATEURS KAN TOT WETENSKAP BYDRA
BETER TOEKOMS VIR AMATEURRADIO IN GHANA
U luister na ZS6SRL. Bly ingeskakel vir meer besonderhede oor hierdie en ander belangrike en interessante items.
EERSTE RTA TE PORT ELIZABETH
Die Suid-Afrikaanse Radioliga sal die eerste van die nuwe seisoen se Radio in Aksie Symposiums in Port Elizabeth, aangebied deur die Port Elizabeth Amateur Radio Society by die Nelson Mandela Metropolitaanse Universiteit op Saterdag 27 Julie 2013, hou.
Die tema van die RTA is "Amateur Radio Embraces Digital". Die program sluit, onder andere, 'n opvolg op sagteware gedefineerde radio in, neem dit na die volgende vlak met 'n eenvoudig om te bou VFO, die praktiese benadering tot die bou antennas vir die HF, die werking van jou HF stasie vanaf die kantoor en hoe om die meeste uit 'n multimeter te kry. Die sagteware gedefineerde radio VFO-stel, sowel 'n CD met die aanbiedings, video's en ander artikels van belang sal by die geleentheid beskikbaar wees.
Die volledige program en besprekingbesonderhede sal op die SARL webwerf later volgende week beskikbaar wees. Bly ook op SARL-nuus ingeskakel vir gereelde nuus en inligting. Dagboek die datum en as jy rondom Port Elizabeth bly, begin reisreëlings tref en saamrygeleenthede skep. Die RTA is die amateur radio geleentheid wat nie misgeloop mag word nie.
BEURS-STUDENTE SLAAG DIE RAE
Al drie studente wat beurse van die SA Amateur Radio Development Trust se Tony Reumerman beursfonds ontvang, slaag die jongste klas A eksamen. Hulle is Karel Bezuidenhout ZR6K, Michelle Taylor ZS1MMT en Nicole Taylor, ZS1NCT. Baie geluk. Behalwe hul beurs van R1000 sal hulle ook 'n afskrif van die ARRL boek "Basic Antennas" ontvang.
Die Trust het die beursskema uitgebrei en sal twee beurse aan jong mense onder die ouderdom van 25 vir die Oktober-eksamen aanbied. Volledige besonderhede is op die web by www.amateurradio.org.za beskikbaar. Die sluitingsdatum vir beursaansoeke is 30 Julie 2013
KOMPETISIES VERDUIDELIK
Sluit aan by Geoff Levey, ZS6GRL met die SARL@HOME Saterdagoggend 15 Junie by die Nasionale Amateurradiorsntrum by Radiokop, Roodepoort. Geoff sal oor kompetisies praat en jou wys hoe om by hierdie fasset van amateurradio in te skakel. Kompetisies is regtig maklik en groot pret wanneer jy weet waaroor dit alles gaan. Geoff beloof om die deksel van kompetisies te verwyder.
Sluit aan by die NARS vanaf 10:00 aanstaande Saterdag. Die geleentheid is gratis vir SARL-lede en R50 vir nie-lede. Verversings sal bedien word. Om met spyseniering te help, laat ons asseblief weet dat jy bywoon. Skakel 011 675 2393 of stuur e-pos aan admin@sarl.org.za.
RADIOAMATEURS KAN TOT WETENSKAP BYDRA
Die ARRL het ‘n nuwe boek, genaamd “Radio Science for the Radio Amateur”, gepubliseer. Die 190 bladsy boek ondersoek en verduidelik die dikwels groot verskille tussen wetenskap en tegnologie, en verdryf die idee dat ons alles oor radio weet wat daar te weet is. Met behulp van 'n vars, speelse benadering, lei outeur Eric Nichols, KL7AJ, jou deur 'n paar van die mees boeiende "hoekies en gaatjies" van die radioheelal. Onder weg sal jy die oplossing van ou geheime van die radio, waarvan daar nog baie is, ontdek en uitvind dat mens nie altyd duur toerusting daarvoor nodig het nie, maar bloot 'n wetenskaplike ingesteldheid en aandag aan detail. Die boek is nou beskikbaar in Suid-Afrika. Besoek www.amateurradio.org.za om dit te bestel
BETER TOEKOMS VIR AMATEURRADIO IN GHANA
Die eerste Amateurradio Administrasiekursus, wat daarop gemik is om operateurs, kundiges in die bedryf en ander relevante liggame saam te bring om ervarings en beste praktyke in die veld uit te ruil, is aan die gang in Accra. Die weeklange werkswinkel is deur die Nasionale Kommunikasie-owerheid (NCA) georganiseer, in samewerking met die Internasionale Telekommunikasie-Unie en die Internasionale Amateur Radio Unie (IARU).
By die openingsessie, het mnr Paarock VanPercy, Direkteur-generaal van die NCA die belangrikheid van die amateurradiobedrywighede beklemtoon en gesê dat hulle geweldig bygedra het in die velde van die wetenskap, ingenieurswese, nywerheid en maatskaplike dienste. Hy het aangeraai dat Hoërskole, “Polytechnics” en Universiteite vir die NCA studente 'n lisensie aanvra om hulle aan amateurradiobedrywighede bloot te stel vir navorsing.
Hy het ook gesê die Ghana Polisiediens, Immigrasiediens, Gewapende Magte en die Nasionale Rampbestuur Organisasie dit moet oorweeg as 'n belangrike instrument in rampaktiwiteite, veral as 'n rugsteun vir ander kommunikasiemetodes wat in 'n ernstige rampe ontwrig kan word. Hy het aangekondig dat die NCA gou die leerplan vir die amateurradio-eksamen sal publiseer en duidelik voorwaardes vir die eksamen sal uiteensit.
Mnr Hans Blondeel Timmerman, PB2T, president van die IARU, het gesê dat amateurradiobedrywighede tegniese loopbaangeleenthede sowel as vrye-tyd en navorsings geleenthede verskaf. Hy is optimisties dat die werkswinkel die kapasiteit van deelnemers sal bou wat op hulle beurt die jeug aktief kan betrek by tegnologie vir ontwikkeling.
BHF AMATEURS VERMIS
Daar was 'n tyd toe daar baie berigte oor BHF aktiwiteite op die SARL BHF Forum was en meer as 'n honderd amateurs sou 'n nuwe plasing lees, of interessante nuus sou op die BHF Poslys verskyn.
Sedert die swaar reën verlede jaar was daar 'n merkbare afname in BHF aktiwiteit. Is dit nog 'n Mayan voorspelling van die einde van die radioamateurwêreld en verdwyn dit soos die dodo? Hopelik nie!
Daar is baie toegewyde en hoogs ervare BHF veterane en ons het jou insette nodig om die jonger geslag aan te moedig om voort te gaan waar jy opgehou het, en om amateurradio in die toekomstige wêreld van programmatuur-gedefinieerde radiotoerusting, digitale data / stem modes en ruimtekommunikasie verder te voer. Daar bestaan 'n opwindende nuwe wêreld van die amateurradio vir die rekenaarvaardige jong radioamateurs, en baie nuwe ontdekkings in die BHF, UHF en mikrogolf spektrum kan nog gemaak word.
LIGANUUS
SARL LIDMAATSKAP
Aansoeke om lidmaatskap van die SARL is van die volgende radioamateurs ontvang:
Billy Strumpher (ZS6WPS)
Jose Rosa (ZS6JRR)
Michael Beukman (ZR6MCB)
Enige besware teen die aanvaarding van lidmaatskapaansoeke moet die Sekretaris bereik voor of op die Dinsdag na hierdie bulletin.
HISTORIKUS VIR DIE SARL
Die SARL bestaan nou al byna 'n eeu en baie min mense wat die vroeë dae onthou leef nog.
Van tyd tot tyd, is interessante materiaal uit die vroeë dae onder die aandag van die Raad gebring. Daar is seker baie lede steeds in besit van sulke historiese materiaal, miskien van familielede of ouer stil sleutel amateurvriende geërf.
Hoewel die Raad die waarde van sodanige materiaal besef, en dit wil bewaar vir toekomstige geslagte, is daar op die oomblik, niemand beskikbaar is om dit te doen. Daar is nie 'n raadsaanstelling vir die werk, geen stelsel en geen argief of museum nie. Waardevolle materiaal gaan verlore, want daar is geen sistematiese manier om te versamel en te bewaar nie.
Die SARL Raad vra vir 'n vrywilliger of vrywilligers wat hierdie funksie vir die die liga kan vervul. As jy belangstel, stuur 'n e-pos aan die Sekretaris (secretary@sarl.org.za) of aan die President (rassie@snowisp.co.za) sodat 'n SARL-raadslid jou kan kontak. As jy van 'n lid wat dalk bereid wees om dit te doen weet, stuur sy naam aan die Sekretaris, wat hom sal nader.
Dit is 'n baie wesentlike behoefte - moet asseblief nie huiwer om te help nie.
KLUBNUUS
KOMMUNIKASIE BY PRESIDENTE TROFEE WEDVLUG
Amateurs van Suid Kaap Amateur Radio Klub (SKARK) en Port Elizabeth Radio Society (PEARS) het kommunikasie voorsien vir die Presidente Trofee Wedvlug wat gehou was in die Klein Karoo op Vrydag 24 Mei 2013 en Saterdag 25 Mei 2013. Die Oudtshoorn lughawe het gedien as vertrek asook eindpunt vir die Wedvlug. Fotos is beskikbaar op www.zs1skr.org.za.
Hierdie operasie dien dan ook as 'n oefening vir die paraatheid om 'n veldstasie op te rig om noodkommunikasie te kan voorsien indien nodig.
KOMPETISIENUUS
ZS4 NAELLOOP
Die ZS4 Naelloop is vanmiddag van 16:00 tot 17:00 SAT op die lug. Dit is 'n foon en GG kompetisie op 40 meter. Die lid van die Bloemfontein ARK met die hoogste telling gaan die die ARRL Boek "Small Antennas for Small Spaces" wen
AWA VALVE QSO-GESELLIGHEID
Die uitslae van die AWA Valve QSO-geselligheid gehou op 11 en 12 Mei. Daar was 42 stasies aktief gedurende die AM QSO-geselligheid, maar net agt logstate is ontvang.
1 Jerry, ZS6BTL - 201 punte
2 Rad, ZS6RAD - 195 punte
3 Koos, ZS6BFD - 129 punte
Daar was 87 stasies aktief tydens die SSB QSO-geselligheid, maar slegs 10 logstate is ontvang.
1 Jerry, ZS6BTL - 459 punte
2 Rad, ZS6RAD - 308 punte
3 Hennie, ZS6HAV - 210 punte
Baie geluk aan diegene wat die hoogste punte behaal het en dankie aan almal wat deelgeneem het. Sertifikate sal gou in die pos wees.
WÊRELD QRP DAG
Op Maandag 17 Junie is dit Wêreld QRP Dag. Skakel die versterker af, draai die krag op jou radio af en probeer QRP krag. Hoeveel kilometer per watt kan jy bereik? Jy sal verbaas wees oor wat jy met QRP kan bereik.
Die SARL Top Band QSO-geselligheid is 'n prettige aktiwiteit om kontakte te bevorder op 160 meter tussen radio amateurs in Suider-Afrikaanse lande en om radio amateurs aan te moedig om aansoek te doen vir die SARL Top Band Toekenning.
Die QSO-geselligheid begin om 00:00 UTC op Donderdag 20 Junie 2013 en eindig om 00:00 UTC op Maandag 24 Junie 2013, met die foonwerking van 1 840 tot 1 850 kHz en GG werking van 1 810 tot 1 838 kHz. Elke stasie kan een keer per modus gewerk word dws een keer op foon en een keer op GG.
Die uitruiling is 'n RS(T) verslag en provinsiale of land afkorting. Na die QSO, moet die stasie die frekwensie verander deur ten minste 2 KHz vir die volgende QSO, tensy 'n tydperk van 10 minute verstryk het tussen kontakte. Die frekwensie van elke QSO moet getoon word op die logstaat. Die QSO-geselligheid is oop vir alle gelisensieerde amateurs wat toegang het tot die 160 meterband.
Elke kontak tel drie (3) punte. Bonus punte: Elke Suid-Afrikaanse roep area en elke DXCC land gewerk het, word vyf (5) addisionele bonus punte toegeken. Totale telling = (Total QSO punte) en (Bonus punte). Logstate moet word teen 1 Julie ingedien by contest@sarl.org.za.
HF VOORTPLANTINGSVOORSPELLING
Hannes Coetzee, ZS6BZP, berig dat die verwagte sonaktiwiteitsvlak laag gaan wees. Daar is tans vier sonvlek groepe sigbaar. Nuwe sonvlek AR1765 is besig om vinnig te groei maar huisves tans nie genoeg energie vir ernstige sonfakkels nie.
Vir diegene wat hulle eie frekwensievoorspellings wil doen, die verwagte effektiewe sonvlektelling vir die week is ongeveer 45. Die geomagnetiese magneetveld mag versteur word.
Amateurs gaan al die DX-bande van 20 tot 10 m geniet met 20 m wat die beste openinge gaan oplewer terwyl die 15 m net 'n kortkop agter behoort te wees. 10 m openinge gaan van tyd-tot-tyd oor daglig paaie voorkom.
Besoek gerus www.spaceweather.co.za vir meer inligting.
DAGBOEK VAN GEBEURE
9 Junie – ZS4 Naelloop vanaf 14:00 to 15:00.
15 Junie – Eerste SARL@HOME byeenkoms by die Nasionale Amateurradiosentrum.
15/16 Junie - Eerste naweek van die Internasionale Museumnaweke se geleentheidsnaweke, registreer jou museumstasie by www.ukradioamateur.co.uk/imw.
17 Junie – Keerdatum vir ZS4 Naelloop logstate.
20 – 24 Junie – QSO-geselligheid begin om 00:00 UTC op Donderdag 20 Junie 2013 en eindig om 00:00 UTC op Maandag 24 Junie 2013.
22/23 Junie - Tweede naweek van die Internasionale Museumnaweke se geleentheidsnaweke.
SARL-nuus nooi klubs en individue uit om nuusbrokkies van belang vir radioamateurs en kortgolfluisteraars in te dien. Plaas nuusberigte - indien moontlik - in beide Engels en Afrikaans op www.sarl.org.za/newsinbox.asp, nie later nie as die Donderdag wat die bulletindatum voorafgaan.
Die SARL nooi u om elke Sondagoggend om 10:00 SAT op 145,750 MHz in die Pretoria-omgewing te luister na "Amateur Radio Today". Daar is herleidings op 7 082, 7 205 en 17 660 kHz en ook 'n potgooi deur ZS6RO. Vir oudiostrome en Echolink deur ZS6FCS, besoek www.sarl.org.za, klik op "Amateur Radio Today", gaan na die groen kolom en klik op 'Listen on the web'. 'n Heruitsending vind op Maandae om 16:30 UTC op 3 230 kHz plaas. Op die webwerf verskyn ook besonderhede aangaande verskeie ander heruitsendings. Ontvangsrapporte, kommentaar en voorstelle sal waardeer word. Stuur e-pos aan artoday@sarl.org.za.
Sentech borg die uitsendings op die nie-amateurfrekwensies.
U het geluister na 'n nuusbulletin van die Suid-Afrikaanse Radioliga met vetalings deur Richard Peer,
ZS6UK, saamgestel en geredigeer deur Louis Kirstein, ZS1LK.
Dankie dat u geluister het, 73.
/EX
