SUID-AFRIKAANSE RADIOLIGA NUUS SONDAG 7 MEI 2017
Goeie môre en welkom by die weeklikse nuus uitsending van die Suid-Afrikaanse Radioliga, gelees deur ________________________ (jou naam, roepsein en QTH)
Die Suid-Afrikaanse Radioliga saai elke Sondag nuus bulletins in Afrikaans sowel as Engels om 08:15 en 08:30 plaaslike tyd onderskeidelik uit op HF sowel as op verskeie BHF- en UHF-herhalers. Hierdie uitsendings word ook via Echolink herlei deur ZS0JPL. 'n Potgooi is ook beskikbaar op die Liga se web tuiste.
‘n Oudio opname sowel as ‘n teks weergawe kan van die Liga se webblad, www.sarl.org.za, afgelaai word, en jy kan ook daar inteken om nuwe bulletins per e-pos te ontvang.
Ons begin hierdie bulletin met nuus van n stil sleutel
Dit is met leedwese dat ons moet aankondig dat die sleutel van Ds Frans Schultz, ZS1ACD, stil geword het op 21 April 2017. Frans was op HF aktief voordat hy siek geword het en hy het gereeld kontak met sy vriende in Gauteng gehad.
Ons betuig ons opregte meegevoel aan sy familie en vriende.
POUSE
In die nuus vandag:
TOEKENNINGS OORHANDIG TYDENS DIE SARL TOEKENNINGSDINEE GISTERAAND
VROEER REGISTRASIE VIR DIE AMSAT SA SIMPOSIUM
en
TROPO STROOI KOMMUNIKASIES
Bly ingeskakel vir meer inligting oor hierdie en ander interessante nuus items.
** Die Suid-Afrikaanse Radioliga se Algemene Jaarvergadering is gister 6 Mei in die Wes-Rand gehou en daar sal 'n verslag in volgende week se SARL-nuus wees. Tydens die toekenningsdinee wat gisteraand gehou is, is die volgende toekennings aan lede van die Liga oorhandig.
Die volgende radio amateurs is in die Suid-Afrikaanse Radioliga se Eregallery opgeneem.
Alistair Campbell, ZS5MU (SK)
Peter Carey, ZS6JT (SK)
Bert Howes, ZS6HS (SK)
Koos en Annie van der Merwe ZS1AW en ZS1AZ (beide SK)
Dennis Green, ZS4BS
Peter Hers, ZS1PHD
Eddie Leighton, ZS6BNE
Harold Lund, ZS6WB
Chris Turner, ZS6GM, en
Bernie van der Walt, ZS4TX
Ere Lewenslange Lidmaatskap, die Liga se hoogste eer, is toegeken aan Cliff Smyth, ZS6BOX
Die Willie Wilson Goue Speld is toegeken aan Nick Dreyer, ZS6NCK, Fritz Sutherland, ZS6SF, en Davy Smeda, ZR1FR
Die Jack Twine Meriete-toekenning is toegeken aan Shane Bailey, ZS6W, Gert du Plessis, ZR6GRT, Cor Rademeyer, ZS6CR en Willie Taljaard, ZS6WBT
Die President se Toekenning is aan Chris Burger, ZS6EZ, oorhandig en die Icom Uitmuntendheid-toekenning, die "premier" toekenning van die SARL, is toegeken aan Sam Maree, ZS1SAM
Die volgende SARL Augustus-kompetisie toekennings is gemaak
Die AKYAB-trofee is toegeken aan Woody Collet, ZS3WL
Die Anon Trofee en die Silent Keys Memorial Trofee gelykgolf is toegeken aan Vidi La Grange, ZS1EL
Die Fred Mills-trofee is toegeken aan Barry Nugent, ZS2NF
Die HOS-trofee, die Silent Keys Memorial Trofee ESB, die ZS4BS Digitale Trofee die SARL Digitale Trofee is toegeken aan Jan Botha, ZS4JAN
Die Joseph White Trofee is toegeken aan Deon Frazer, ZS5DCF
Die Suid-Afrikaanse Vroue Radioklub-trofee is toegeken aan Heather Holland, ZS5YH
Die SARL Jeugtrofee is toegeken aan Mitchel Mynhardt, ZS6YH
Die Klubdeelname trofee is toegeken aan die Bloemfonteinse ARK, ZS4BFN
Die "Ray Webber, ZS6RSW" BHF/UHF Trofee is toegeken aan Carl Minne ZS6CBQ
Die volgende bedryfstoekennings is oorhandig
Die Arthur Hemsley 2 meter-trofee is toegeken aan Pieter Jacobs, V51PJ
Die Barney Joel-trofee is toegeken aan Dennis Green ZS4BS
Die Bert Buckley Ses meter Trofee is toegeken aan Paul Smit ZS6NK
Die Joseph White Plak is toegeken aan Carl Minne, ZS6CBQ
En die Radio ZS Twee Meter Wissel trofee is gesamentlik aan Dick Coates, ZS6BUN, en Pieter Jacobs, V51PJ toegeken
Dan kom ons by die Radio ZS-toekennings
Die Gary Immelman RA Erfenis Wissel Trofee is toegeken aan Mike Bosch, ZS2FM
Die JJ Pienaar Trofee is toegeken aan Brian Jones, ZS6BV
Die Radio ZS-skild is toegeken aan Leon Uys ZR6LU
Die Arland Ussher Goue Pen-toekenning vir die hoogste punte in die 2016 Radio Amateur Eksamen is toegeken aan
R Heenop, ZR6GRM
CJP Oertel, ZS1CJO, en
WC Venter ZS6WCX
Al drie het 100% in die eksamen behaal.
Die Hamnet-skild is toegeken aan Trevor Brinch, ZS1TR
'n Sertifikaat van waardering en 'n goue pen, as 'n teken van waardering vir hul toewyding en betrokkenheid by die monitering van die Forum, is oorhandig aan Brad Phillips, ZS5Z, Pierre van Deventer, ZS1A, Roger Conroy, ZR3RC, Vince Harrison, ZS6BTY en Johan van Vuuren, ZS6JVV.
'n Sertifikaat van waardering, as 'n teken van waardering vir hul toewyding in die ontwikkeling en bevordering van amateur radio as 'n stokperdjie onder ons jeug en ter ondersteuning van die Suid-Afrikaanse Radioliga jeug ontwikkelingsprogram, is aan Marinus Brand, ZS6BM en Nic van Duffelen, ZR6AEZ oorhandig.
** Moenie die AMSAT SA Ruimte simposium vroeë bespreking misloop nie! Bespreek voor 10 Mei vir die AMSAT SA Ruimte Simposium en bespaar op die registrasiefooi. Die simposium bied 'n wye verskeidenheid referate, besprekings en praktiese demonstrasies. Dit is vol tegnologie en pret. Jy kan ook fantastiese pryse wen net omdat jy bywoon. Kry al die inligting, die program en die besprekings vorm van www.amsatsa.org.za, of stuur 'n e-pos na admin@amsatsa.org.za en dit sal in jou in-boks verskyn.
Jy luister na ‘n nuus uitsending van die SARL
** Daaglikse kontakte met Tropo verstrooiing op BHF is landswyd moontlik. Voortplanting via die Tropo verstrooiing-modus is amper daagliks in die meeste dele van Suid-Afrika moontlik. Tropo Verstrooiing word nie deur die weer beïnvloed nie, in teenstelling met Tropo Verhoging en Tropo Leiding, maar word veroorsaak deur stofdeeltjies, vog en turbulensie in die atmosfeer. Ongelukkig kom Tropo Verspreide-kommunikasie teen 'n prys van 400 tot 1 000 Watt met hoë-winsgewende Yagi-straalantennas en sensitiewe ontvangers.
Die voordele is daagliks betroubare kommunikasie op BHF en UHF oor afstande tot 1 000 km, terwyl die nadele is seine van lae vlak en diep QSB siklusse. Verskeidenheid ontvangs en rekenaar regstellings is suksesvol al toegepas op kommersiële en militêre kommunikasie om konstante seine te verskaf. Die 144 en 432 MHz-bande kan die mees praktiese wees vir radio amateurs wat net bokant die horison straal. Dit vereis slegs 'n paar toegewyde en goed toegeruste amateurs om hierdie tipe voortplanting te verken en hulle kan ook EME-toerusting gebruik. Afdeling 4 is sentraal geleë en kan die middelpunt van hierdie soort aktiwiteit in Suid-Afrika word.
** Die uitslae van die SARL 80 m QSO geselligheid wat op 6 April gehou is, is bekend gemaak.
1ste Thanie Gibson, ZS4AZ - 580 punte
2de Phillip van Tonder, ZS6PVT - 355 punte
3de Woody Collet, ZS3WL - 320 punte
Veels geluk aan die wenners en die kompetisie komitee bedank almal wat deelgeneem het.
** Hannes Coetzee, ZS6BZP, berig dat die verwagte sonaktiwiteitsvlak laag gaan wees. Al die sigbare sonvlekke is tans stabiel met bykans geen kans vir ernstige sonfakkels nie.
Diegene wat hulle eie frekwensie voorspellings wil doen, kan 'n verwagte effektiewe sonvlektelling van ongeveer vyf vir die week gebruik. Amateurs kan goeie openinge op die 15 tot 30 m bande verwag. Met die dag-nag-ewening se effek nog ter sprake gaan die 10 m ook gedurende die vroeë middag dalk verrassings oplewer. Besoek gerus die webtuiste spaceweather.sansa.org.za vir meer inligting.
** Kom ons loer nou na gebeure vir die volgende paar weke:
10 Mei - AMSAT SA Ruimte simposium vroeë bespreking
13 en 14 Mei – AWA Buis QSO Geselligheid
14 Mei - Moedersdag
21 Mei - ZS3 Naelloop
27 Mei - Oos Rand Tak Snuffel Mark
28 Mei - SARL digitale kompetisie
Om die bulletin mee af te sluit, ‘n opsomming van ons hoofberig:
Verskeie toekennings is gisteraand by die SARL-toekenningsdinee in die Wes-Rand oorhandig. Baie geluk aan al die ontvangers.
Dit bring ons aan die einde van hierdie bulletin.
Die Suid-Afrikaanse Radioliga se nuusdiens nooi klubs en individue uit om nuusbrokkies van belang vir radio amateurs en kortgolf luisteraars in te dien. Plaas nuusberigte indien moontlik, in beide Engels en Afrikaans op die Suid-Afrikaanse Radioliga webtuiste onder die 'news inbox' skakel nie later as die Donderdag wat die bulletin datum voorafgaan nie.
Luister elke Sondagoggend om 10:00 plaaslike tyd na "Amateur Radio Today". Daar is herleiding op 7 082 kHz laer syband, 7 205 en 17 660 kHz AM en verskeie herleidings op BHF en UHF frekwensies regoor Suid-Afrika. 'n Potgooi deur Dick, ZS6RO, is ook beskikbaar. 'n Heruitsending vind op Maandae om 18:30 plaaslike tyd op 3 230 kHz plaas.
Ons ontvang graag jou seinrapporte, kommentaar en voorstelle, stuur 'n e-pos aan artoday@sarl.org.za. Sentech borg die uitsendings op die nie-amateur frekwensies.
Jy het geluister na 'n nuusuitsending van die Suid-Afrikaanse Radioliga, saamgestel deur Andy Cairns, ZS6ADY, geredigeer deur Dennis Green, DL/ZS4BS, en gelees deur ...........................................................
Die Afrikaanse Nuusspan groet nou en wens u `n mooi week toe. Totsiens.
/EX
