SUID-AFRIKAANSE RADIOLIGA NUUS VIR SONDAG 31 DESEMBER 2017
Goeiemôre en welkom by die weeklikse nuus uitsending van die Suid-Afrikaanse Radioliga, gelees deur ............................................................ (jou naam, roepsein en QTH)
Die Suid-Afrikaanse Radioliga saai elke Sondag nuus bulletins in Afrikaans sowel as Engels om 08:15 en 08:30 Sentraal Afrika Tyd onderskeidelik uit op HF sowel as op verskeie BHF- en UHF-herhalers. Hierdie uitsendings word deur ZS6JPL via Echolink herlei. 'n Potgooi is ook beskikbaar op die Liga se web tuiste.
‘n Oudio opname sowel as ‘n teks weergawe kan van die Liga se webblad, www.sarl.org.za, afgelaai word, en jy kan ook daar inteken om nuwe bulletins per e-pos te ontvang.
In die nuus vandag:
IARU BESPREEK NUWE RADIO SPEKTRUM BESOEDELING GEVAAR
ONS GAAN NOU NA DIE PIEK VAN ONS SPORADIESE E SEISOEN
en
DIE JANUARIE 2018 UITGAWE VAN RADIO ZS
Bly ingeskakel vir meer inligting oor hierdie en ander interessante nuusitems.
NUWEJAARS GROETE
Die President en die Raad van die Suid-Afrikaanse Radioliga wens jou en jou gesin 'n voorspoedige nuwe jaar met goeie gesondheid, sukses en amateur radio toe.
IARU BESPREEK NUWE RADIO SPEKTRUM BESOEDELING GEVAAR
Die Administratiewe Raad (AC) van die Internasionale Amateur Radio Unie (IARU) het op 15 en 16 September 2017 in Landshut, Duitsland vergader, onmiddellik voor die IARU Streek 1 sy drie-jaarlikse konferensie gehou het. Die AC is verantwoordelik vir die beleid en bestuur van die IARU en bestaan uit die drie IARU internasionale beamptes en twee verteenwoordigers van elk van die drie IARU streeksorganisasies.
Die AC het sy prioriteite en posisies oor die agenda-items vir die Węreld-radiokommunikasie konferensie van 2019 (WRC-19) van die Internasionale Telekommunikasie-unie (ITU) hersien.
Hoë Krag Draadloos Krag Transmissie (WPT) vir elektriese voertuie word beskou as 'n beduidende potensiaal vir steurings aan radiokommunikasie. Om hierdie bedreiging aan te spreek verg 'n toenemende toewyding van hulpbronne deur die potensiële radio kommunikasie dienste wat geraak word, insluitend amateur radio.
Lees die volledige IARU-pos op die voorblad van die SARL webwerf.
VERANDERINGS AAN AMATEUR RADIO TODAY EN AMATEURRADIO IN AKSIE
In SARL Nuus van 24 Desember is daar melding gemaak van die veranderinge aan die programme, Amateur Radio Today en Amateur Radio in Aksie wat vroeg in Januarie 2018 in werking gestel sal word. Maar vir die span om hierdie veranderinge aan te bring, benodig ons vrywilligers van ons Klubs en Lede. Meer plaaslike inhoud is nodig vir beide programme en hier dink ons aan BHF/UHF Nuus, wat gebeur op die digitale kant van die stokperdjie, interessante klub projekte, SOTA- en WWFF-aktiwiteite, ens. As jy wil bydra, kontak Hans, ZS6AKV, by hans@intekom.co.za vir AR Today en Dawie, ZR6DHC by zr6dhc@zs6rtb.co.za vir Amateurradio in Aksie. Jou bydrae kan 'n verskil maak.
ONS GAAN NOU NA DIE PIEK VAN ONS SPORADIESE E SEISOEN
Vir dié van julle wat nog nooit 'n sterk Sporadiese-E-opening op 50 MHz ervaar het nie, is jy in vir 'n baie opwindende verrassing wanneer dit gebeur. Ongelukkig kan Sporadiese-E-openinge nie voorspel word nie en tensy jy 'n verre baken of FM-uitsaaistasie monitor wanneer dit gebeur, sal jy normaalweg nie bewus wees van die Sporadiese-E-opening nie. Die baken wat jy wil monitor moet buite skip afstand van ongeveer 600 km op 50 MHz of 900 km op 144 MHz wees. 'n Sporadiese-E-opening verskyn eers as 'n swak fladderige sein en in minute word dit sterker en die fladder verander na stadige QSB. Die Sporadiese-E-sein kan dikwels vir 'n halfuur goed oor S9 plus piek, voordat vinnige QSB weer begin en dit uiteindelik verdwyn.
Sporadies-E is normaalweg 'n noord/suid-gebeurtenis in Suid-Afrika, maar Kaapstad en Port Elizabeth het mekaar op 50 MHz Sporadies-E gewerk toe albei noorde toe kyk. In die verlede is baie Sporadiese-E-stasies gewerk van Afdeling 1 na Afdelings 5 en 6 of van Afdeling 2 na Afdeling 6 en Namibië op beide 50 MHz ESB en FM meestal in die oggende. Maar die mees onvergeetlike Sporadiese-E-opening het op ‘n Saterdagmiddag in Januarie op 50 MHz tussen Port Elizabeth, Windhoek en so ver noord as Tsumeb plaasgevind. Hierdie opening van Sporadies-E het byna drie uur geduur met S9 plus seine en byna geen QSB nie.
ZS6DN het twee bakens uit Irene gehardloop, een op 50 MHz en die ander op 144 MHz. By twee geleenthede is hierdie twee bakens ontvang via Sporadies-E-voortplanting in Port Elizabeth en seine kan met mekaar vergelyk word. Die 50 MHz-bakens sein was altyd die sterkste, het die langste en met minder QSB geduur. Daar is nog 'n paar Sub-Sahara Band 3-televisiestasies op die lug met FM-klankkanale rondom 53,750 MHz en kan dikwels gedurende die Sporadiese-E-seisoen omstreeks middag gehoor word. Sporadies-E is 'n ionosferiese voortplanting en word nie gepolariseer nie.
Jy luister na 'n nuusbulletin van die Suid-Afrikaanse Radioliga. Het jy onlangs iemand vertel van amateur radio?
DIE JANUARIE 2018 RADIO ZS
Die Januarie-uitgawe van Radio ZS sal vanaf Maandag 31 Desember 2017 beskikbaar wees vir aflaai. Hierdie uitgawe bevat verskeie artikels wat ontvang is vir die Radio ZS Antenna-kompetisie. Die res van die artikels sal in die Februarie Radio ZS gepubliseer word. Mike, ZS2FM, hou ons op hoogte met sy gereelde BHF/UHF Nuus en het ook deel 5 van sy geskiedenis van amateur radio tussen die twee węreldoorloë verskaf. In die Museumstuk reis ons na Gibraltar om uit te vind oor 'n SOE-stasie wat gebruik is tydens die Tweede Węreldoorlog. Henry, ZS1AAZ, gee ons inligting oor skakelaars en daar is meer inligting oor die 2018 SARL Nasionale Konvensie.
Watter artikel dink jy was die beste artikel gedurende 2017? Stuur jou voorstel na radiozs@sarl.org.za
SARL NUUS SPAN
Dennis, ZS4BS, die SARL Nuus spankoördineerder, wil graag elke lid van die Nuusspan bedank vir hul harde werk gedurende 2017 wat verseker het dat daar elke Sondag 'n nuusbulletin was. Gaan asseblief voort met julle werk gedurende 2018.
2018 DAGBOEK VAN GEBEURE EN DIE BLOUBOEK
Die 2018 Dagboek van Gebeure en die Blouboek is albei beskikbaar vir aflaai van die Liga se webwerf. Soos reeds genoem is vorige bulletins, is veranderinge aan verskeie kompetisies aangebring en dit is belangrik dat jy die nuutste inligting het. Die Dagboek van Gebeure sal gereeld opgedateer word en jy sal via SARL Nuus ingelig word.
HF VOORTPLANTINGSVOORSPELLING
Hannes Coetzee, ZS6BZP, berig dat die verwagte sonaktiwiteitsvlak laag gaan wees. Daar is tans geen sonvlekke sigbaar nie. Diegene wat hulle eie frekwensievoorspellings wil doen, kan 'n verwagte effektiewe sonvlektelling van een vir die week gebruik. Amateurs kan goeie openinge op die 15 tot 30 m bande verwag. Besoek gerus die webtuiste spaceweather.sansa.org.za vir meer inligting.
Kom ons loer nou na gebeure vir die volgende paar weke:
31 Desember – die einde van die YOTA Maand
1 Januarie – Nuwejaarsdag en die begin van die ARRL Internasionale Ruit Jag en die 2018 CQ DX Marathon
6 Januarie – die Pretoria Amateur Radio Klub snuffel mark
8 Januarie - NARS open vir besigheid
13 en 14 Januarie – Hunting Lions in die Lug
20 Januarie - SDR-werkswinkel by die NARS
19 tot 21 Januarie - die PEARS Nasionale BHF/UHF-kompetisie
26 Januarie – sluitings datum vir artikels vir die Februarie Radio ZS
27 Januarie - die Somer QRP kompetisie
30 Januarie - sluitingsdatum vir voorstel en opsomming vir AMSAT SA Simposium besprekingsdokumente
31 Januarie - sluitingsdatum vir nominasies vir die Raad en SARL-toekennings en vir mosies vir die algemene jaarvergadering
Om die bulletin mee af te sluit, ‘n opsomming van ons hoof berig:
Hoë Krag Draadloos Krag Transmissie (WPT) vir elektriese voertuie word beskou as 'n beduidende potensiaal vir steurings aan radiokommunikasie. Die aanspreek van Om hierdie bedreiging aan te spreek verg 'n toenemende toewyding van hulpbronne deur die potensiële radiokommunikasiedienste wat geraak word, insluitend amateur radio. Lees die volledige IARU-pos op die voorblad van die SARL webwerf.
Dit bring ons aan die einde van hierdie bulletin.
Die Suid-Afrikaanse Radioliga se nuus diens nooi klubs en individue uit om nuus brokkies van belang vir radio amateurs en kortgolf luisteraars in te dien. Plaas nuus berigte indien moontlik, in beide Engels en Afrikaans op die Suid-Afrikaanse Radioliga webtuiste onder die 'news inbox' skakel nie later as die Donderdag wat die bulletin datum voorafgaan nie.
Luister elke Sondagoggend om 10:00 Sentraal Afrika Tyd na "Amateur Radio Today". Daar is herleiding op 7 082 kHz laer syband, 7 205 en 17 660 kHz AM en verskeie herleidings op BHF en UHF frekwensies regoor Suid-Afrika. 'n Potgooi deur Dick, ZS6RO, is ook beskikbaar. 'n Heruitsending vind op Maandae om 18:30 Sentraal Afrika Tyd op 4 895 kHz plaas.
Ons ontvang graag jou sein rapporte, kommentaar en voorstelle, stuur 'n e-pos aan artoday@sarl.org.za. Sentech borg die uitsendings op die nie-amateur frekwensies.
Jy het geluister na 'n nuusuitsending van die Suid-Afrikaanse Radioliga, saamgestel deur Dennis Green, ZS4BS/6, geredigeer deur Johan de Bruyn, ZS6JHB, en gelees deur ...........................................................
Die Afrikaanse Nuusspan wens jou ‘n voorspoedige nuwe jaar toe en wens jou ook ‘n mooi week toe. Totsiens.
/EX
